Os principais obxectivos do departamento de Software Libre do CESGA son:

• Avaliar a situación actual do Software Libre en Galicia, analizar as opcións tecnolóxicas existentes e realizar vixilancia tecnolóxica en orde á súa posible incorporación á nosa sociedade.
• Traballar coordinadamente coas diferentes iniciativas que se están levando a cabo en Galiza no eido do Software Libre.
• Experimentar e detectar casos significativos de implantación de Software Libre en Galicia, co obxecto de identificar os puntos fortes e débiles, proporcionando, ó mesmo tempo, accións de demostración.

As nosas actividades céntranse en:

• Coordinación do proxecto mancomun.org - Iniciativa galega polo Software Libre.
• Vixilancia a través do Observatorio de Software Libre.
• Sensibilización a través de accións de difusión.
• Realización de accións que favorezan a localización de Software Libre en galego.

Para contactar con nós pode facelo enviándonos un e-mail a softwarelibre.
Tamén ten á súa disposición o portal www.mancomun.org onde o invitamos a participar activamente e deixar as súas contribucións. Nel poderá atopar toda a información e accións que estamos a levar a cabo.