Subscríbeche

  • Suscribete a Novas CESGA

HPC User Portal

  • HPC User Portal

Estado dos sistemas

  • Solo visible desde Firefox o Chrome.

Compromiso coa Igualdade

  • Igualdad CESGA

6º Foro Transfiere 2017

Síguenos ...

  • Twitter FacebbokFlickrYouTube CESGA

Servizos PYME's

  • Servicios para Empresas

Annual Report 2016

  • Annual Report 2016

  • CESGA ICTS
Filtrar por ano:
CESGA

Xoves 09/11/2017 13:26

Nova: O proxecto Rede de Escolas na Nube amplíase a todas as Escolas Rurais Agrupadas de Galicia

Onte presentouse oficialmente, por parte da Consellería de Educación e do AMTEGA, o proxecto "Rede de Escolas na Nube” as equipas directivas de todolos Centros Rurais Agrupados (CRAs) de Galicia, ofreciéndolles a posibilidade de incorporarse ao mesmo. Na actualidade, 4 deles, o CRA Boqueixón-Vedra Neira Vilas, o CRA de Vilaboa Consuelo González Martínez, o CRA Amencer de Ribadavia,e o CRA Nosa Señora do Faro de Ponteceso, estaban xa participando dende 2012 como centros piloto no proxecto. A información detallada do proxecto está na sua web http://www.escolasnanube.es/

O proxecto de innovación educativa Rede de Escolas na Nube xurdíu como colaboración entre o CESGA, quen coordinou a iniciativa, a empresa galega Balidea Consulting & Programming, a Consellería de Educación e a Axencia de Modernización Tecnolóxica de Galicia da Xunta de Galicia. 

Rede de Escolas na Nube supón un modelo de infraestructura, servizos e metodoloxía de traballo baseado na computación cloud e software abierto ao servizo do ensino e colaboración entre as escolas rurais distribuidas, creando unha rede na que se poidan compartir de forma segura experiencias educativas, materiais, aprendizaxe, adaptado ás necesidades deste modelo de escola rural distribuida e multinivel. 

Transferencia de innovación á sociedade

Rede de Escolas na Nube é un claro exemplo de colaboración exitosa entre institucións públicas e privadas galegas que repercute  nun beneficio directo para a sociedade, así como nunha aposta de futuro para a creación de productos innovadores “made in Galicia”. Unha vez finalizada a fase de desenvolvemento do proxecto en 2014, os resultados e software do mesmo foron transferidos á Consellería de Educación e ao AMTEGA, responsables de ofrecer servizos formativos e informáticos aos centros escolares galegos. Para o CESGA é unha honra ter participado en dita iniciativa, así como ver realizada a ampliación da proposta piloto ao resto dos CRAs de Galicia.

Nova completa

CESGA

Venres 03/11/2017 13:01

Nova: Xornada de Usuari@s Aula Cesga - Chamilo

Aula Cesga é a plataforma de aprendizaxe e colaboración remota do CESGA, a disposición de investigadores e docentes galegos para os seus grupos de aprendizaxe e proxectos de colaboración en http://aula.cesga.es. Está baseada en Chamilo, un software de código aberto líder en e-learning.

O próximo día 22 de novembro presentaremos, en colaboración coa Asociación Chamilo, as novidades e posibilidades desta plataforma, que agora permite unha aproximación máis social á xestión do coñecemento e a colaboración, integración de ferramentas de traballo e creación de materiais, e un acceso totalmente adaptado a tablets e teléfonos.

Nova completa

CESGA

Martes 24/10/2017 14:32

Nova: Reunión de arranque do proxecto Boats4Schools

Hoxe e mañá celébrase en Oporto a reunión de arranque dun novo proxecto europeo: "Boats4Schools", unha experiencia educativa dirixido a estudantes de secundaria no ámbito das STEM (Science Technology Engineering & Maths) na que equipos de diferentes centros deseñarán e competirán con prototipos de barcos en miniatura cos materiais e técnicas máis actuais: modelado 3D ferramentas de enxeñería na nube e CAD, etc.

Boats4Schools é unha experiencia educativa dirixida educación secundaria para traballar STEM (Ciencia Enxeñaría Tecnoloxía e Matemáticas), dende unha metodoloxía lúdica, grupal e motivadora, para que estudantes de secundaria de diferentes centros deseñen compitan en grupo con prototipos de barcos en miniatura empregando materiais e técnicas actuais: modelado en 3D, ferramentas de enxeñería na nube, CAD, etc.

Boats4Shools propón o desenvolvemento dunha proposta didáctica para promover a adquisición de competencias e habilidades dende a perspectiva de "aprender facendo", divirtíndose e aprendendo en grupo cara a construción dun pequeno prototipo de barco e, así, motivar o coñecemento dos estudantes sobre enxeñería, física, innovación, matemáticas, etc. Entre os obxectivos que se pretende conseguir será motivar o interese das rapazas de secundaria no campo da enxeñaría e as TIC. Como é sabido, o sector das TIC ten unha gran necesidade de incorporar mulleres, que na actualidade aínda representan unha porcentaxe mínima en carreiras e postos de traballo.

No proxecto, que ten unha duración de 30 meses a partir de outubro deste ano 2017, participan institucións de diferentes tipos, de institutos técnicos hata escolas, que aportarán a súa visión para acadar unha metodoloxía adecuada para este obxectivo de aprendizaxe común.

Se desexa máis información, escriba a e-learning@cesga.es

Nova completa

CESGA

Venres 13/10/2017 10:04

Nova: O superordenador FINISTERRAE achegou 1,2 millóns de horas de cálculo ao proxecto galardoado co Premio Nobel de Física 2017

O proxecto LiGO, galardoado por ter detectado ondas gravitacionais tal como predicira Albert Einstein, empregou o superordenador FinisTerrae instalado en Santiago de Compostela a través do doutor Sascha Husa.

O supercomputador FinisTerrae, no Centro de Supercomputación de Galicia (CESGA), achegou 1,2 millóns de horas de procesamento de altas prestacións para a realización dos cálculos para o proxecto recoñecido na derradeira edición dos premios Nobel. A investigación realizada no marco do proxecto LiGO, ven empregando recursos do CESGA a través dun grupo de investigación adicado a Física Teórica da Universitat das Illes Balears. Entre os principais usuarios deste grupo encontrase o doutor Sascha Husa.

O Dr. Husa explica que no seu traballo cotiá emprega os superordenadores para estudar os sinais de ondas gravitacionais creadas cando dous buratos negros colisionan; os eventos máis violentos no universo. O seu traballo en concreto é resolver ecuacións e calcular, utilizando cálculos moi extensos, que aspecto teñen esas colisións, e como son exactamente os sinais que emiten.

Os experimentalistas que traballan na colaboración LiGO poden despois comparar as predicións baseadas nos cálculos nos superordenadores cos datos experimentais que eles rexistran e atopar que sistemas crearon eses sinais. Para eses cálculos a comunidade de Física Teórica precisa dispoñer de acceso a moi grandes máquinas de computación de altas prestacións xa que sen elas este tipo de avances en ciencia sería impensable e non poderíamos chegar a comprender mellor o universo que habitamos.

O Dr. Husa e o seu equipo de físicos teóricos acceden a potentes máquinas de cómputo como FinisTerrae a través de diferentes convocatorias competitivas da Rede Española de Supercomputación (RES), á cal o CESGA achega o 20% do superordenador galego.A RES, composta por 13 nodos repartidos por todo o estado é a Infraestrutura Científico Tecnolóxica Singular en Computación de España.

Os cálculos en física teórica demandan tantos recursos computacionais que ademáis do millón duascentas mil horas de procesamento empregados no CESGA, o equipo da UIB tamén utilizou os superodenadores Calendula, do Centro de Supercomputación de Castela-León, MareNostrum no Centro Nacional de Supercomputación ou máquinas de PRACE a alianza europea pola computación avanzada.

Nova completa

CESGA

Luns 02/10/2017 12:28

Nova: O Cesga participa na segunda edición de Unha enxeñeira ou científica en cada cole
Dúas investigadoras do CESGA participarán esta semana na acción promovida pola USC no marco do convenio de colaboración co Concello de Santiago de Compostela, en materia de igualdade de xénero e promoción das actividades STEM (Science Technology Engineering Maths) entre escolares composteláns.

 

A actividade proposta polo CESGA será “Falando cos superordenadores”, e estará a cargo de Natalia Costas e Mª José R. Malmierca. Na mesma, de forma lúdica e práctica, levaranse a cabo varias experiencias de uso da programación básica e a súa interacción con microcontroladores e diversos compoñentes externos. 

Nova completa

678 novas