A persoa contratada contribuirá ao desenvolvemento de sistemas avanzados de predición para variables de vento, correntes superficiais, humidade e temperatura, integración de datos de teledeteción, técnicas de intelixencia artificial e modelos operativos de clima rexional, atmosférico e oceánico. O seu labor estará enmarca nos seguintes proxectos:

PROXECTO 1: Predición do impacto climático das SEAs europeas mediante modelos rexionais (SEAClim).

O obxetivo de SEAClim é avanzar en predicións de alta resolución decenal a multidecenal do medio mariño para apoiar a resiliencia climática, a gobernanza oceánica e a economía azul. Ao reducir a escala dos últimos modelos climáticos globais e integralos con modelos rexionais oceánicos de Copernicus Marine Service, SEAClim proporciona proxeccións detalladas sobre circulación oceánica, ondas, xeo mariño e bioxeoquímica mariña.

PROXECTO 2: Evolución do servizo Copernicus para mellorar as previsións oceánicas con intelixencia artificial no Atlántico nororiental e a rexión da plataforma continental (CERAINE).

O obxetivo do proxecto CERAINE é mellorar as solucións do modelo rexional oceánico e de ondas a curto prazo do Atlántico Noreste Europeo (NEA) mellorando a precisión dos seus forzamentos cos RNA.

Referencia Posto Prazas Data límite solicitudes
SEACLIM-26-TINV1 Técnico/a de Investigación en Modelado Oceánico e Intelixencia Artificial 1 02/03/2026

A Fundación CESGA comprométese, no establecemento e desenvolvemento de políticas que integren a igualdade de trato e oportunidades entre mulleres e homes, sen discriminar directa ou indirectamente por razón de sexo, así como no impulso e fomento de medidas para conseguir a igualdade real no seo da nosa organización, establecendo a igualdade de oportunidades entre mulleres e homes como un principio estratéxico da nosa Política Corporativa e de Recursos Humanos, de acordo coa definición do devandito principio que establece o Decreto Lexislativo 2/2015, de 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade e o VIII Plan Estratéxico de Galicia para a igualdade de oportunidades entre mulleres e homes 2022-2027.