1 praza investigador/a en DRAM

Descrición do proxecto no que traballará o/a investigador/a: Seguridade da memoria DRAM en sistemas de computación de altas prestacións

A seguridade xa non é só unha cuestión de software. A medida que os dispositivos de hardware reducen o seu tamaño, vólvense inevitablemente menos fiables debido a fenómenos como as interferencias, a diafonía e outros. Os problemas de seguridade e fiabilidade no hardware son fundamentalmente máis difíciles de mitigar ca os problemas de software, xa que o hardware non pode modificarse con tanta facilidade e ten unha capacidade de reprogramación moi limitada. Por iso, é extremadamente importante deseñar dispositivos de hardware tendo en conta a seguridade e a fiabilidade como factores fundamentais, coa mesma relevancia ca o rendemento ou o consumo enerxético.

Fai clic na ligazón de abaixo para consultar a documentación e os detalles do posto.

A Fundación CESGA comprométese, no establecemento e desenvolvemento de políticas que integren a igualdade de trato e oportunidades entre mulleres e homes, sen discriminar directa ou indirectamente por razón de sexo, así como no impulso e fomento de medidas para conseguir a igualdade real no seo da nosa organización, establecendo a igualdade de oportunidades entre mulleres e homes como un principio estratéxico da nosa Política Corporativa e de Recursos Humanos, de acordo coa definición do devandito principio que establece o Decreto Lexislativo 2/2015, de 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade e o VIII Plan Estratéxico de Galicia para a igualdade de oportunidades entre mulleres e homes 2022-2027.