O proxecto QUORUM de Ecosistema de Innovación ten como obxectivos prioritarios:
- Xeración de Coñecemento: Promover a investigación e o desenvolvemento para ampliar o coñecemento en diversas disciplinas. A xeración de novo coñecemento científico e tecnolóxico é esencial para impulsar a innovación.
- Transferencia de Tecnoloxía: Facilitar a transferencia efectiva de tecnoloxías e coñecementos desde entornos académicos e de investigación cara ao sector empresarial.
- Desenvolvemento de Talento: Fomentar a formación e o desenvolvemento de profesionais altamente cualificados en áreas clave da computación cuántica. A creación de programas educativos e oportunidades de aprendizaxe contribúe á dispoñibilidade de talento especializado.
- Creación de Empresas Innovadoras: Apoiar a creación e o crecemento de startups e empresas innovadoras. Isto implica proporcionar recursos financeiros, asesoramento empresarial, infraestruturas adecuadas e conexións con investidores.
- Identificación casos de uso: A identificación de casos de usos reais nos que aplicar a computación cuántica servirá de potenciador de todos os obxectivos anteriores.
Neste Ecosistema de Innovación, participan como socios do proxecto, ademáis da Fundación CESGA, as seguintes entidades:
- AXENCIA GALEGA DE INNOVACIÓN
- ASOCIACIÓN PARA LA INVESTIGACIÓN Y DESARROLLO TECNOLÓGICO DE LA INDUSTRIA DE CASTILLA-LA MANCHA
- FUJITSU TECHNOLOGY SOLUTIONS SA
- FUNDACIÓN CENTRO TECNOLÓXICO DAS TELECOMUNIACIÓNS DE GALICIA (FUNDACIÓN CENTRO TECNOLÓXICO DE TELECOMUNICACIONES DE GALICIA)
- FUNDACIÓN I+D DEL SOFTWARE LIBRE
- QCENTROID LABS SL
| Denominación do posto | Prazas | Data límite solicitudes |
|---|---|---|
| Técnico/a coordinador/a de proxecto | 1 | 18/09/2025 |
| Técnico/a de proxecto | 2 | 18/09/2025 |
| Técnico/a de proxecto CTS | 1 | 18/09/2025 |
| Técnico/a de comunicación | 1 | 18/09/2025 |
Este proxecto é financiado no marco do Plan de Recuperación, Transformación e Resiliencia- Financiado pola Unión Europea-NextGenerationUE.
Contribúe á execución parcial do investimento 2, «Fortalecemento das capacidades, infraestruturas e equipamentos dos axentes do SECTI», do compoñente 17 «Reforma institucional e fortalecemento das capacidades do sistema nacional de ciencia, tecnoloxía e innovación».
Así mesmo, a actuación tamén forma parte do Proxecto estratéxico para a recuperación e transformación económica de microelectrónica e semicondutores (PERTE Chip), integrándose na actuación 1 do Eixo I (Desenvolvemento de I+D+i sobre microprocesadores de vangarda e de arquitecturas alternativas).
A Fundación CESGA comprométese, no establecemento e desenvolvemento de políticas que integren a igualdade de trato e oportunidades entre mulleres e homes, sen discriminar directa ou indirectamente por razón de sexo, así como no impulso e fomento de medidas para conseguir a igualdade real no seo da nosa organización, establecendo a igualdade de oportunidades entre mulleres e homes como un principio estratéxico da nosa Política Corporativa e de Recursos Humanos, de acordo coa definición do devandito principio que establece o Decreto Lexislativo 2/2015, de 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade e o VIII Plan Estratéxico de Galicia para a igualdade de oportunidades entre mulleres e homes 2022-2027.