O CESGA impartirá unha nova edición do curso «Introdución ao Paralelismo» en modo de teleformación, os días 11, 12, 13 e 14 de maio con horario de 15:30h. a 18:30 h.
O venres día 8 pola tarde, enviaranse as confirmacións de rexistro a aquelas persoas que fosen admitidas.
O curso diríxese a investigadores, profesionais e estudantes universitarios interesados en explotar os recursos que nos ofrecen os computadores actuais para mellorar o rendemento das súas aplicacións. O curso busca dar unha primeira introdución á programación paralela e ao paralelismo en xeral. O curso está limitado a 40 asistentes.
Contido
Día 1:
- Introdución á arquitectura de computadores.
- Optimización de código.
Día 2:
- Introdución ao paralelismo, conceptos básicos.
- Vectorización.
Día 3:
- Memoria compartida vs. memoria distribuída.
- Contornas de programación paralela ( OpenMP e MPI)
Día 4:
- Programación paralela híbrida
O curso inclúe a realización de exercicios prácticos que se realizarán polo alumno fose do horario de clases expositivas. Posteriormente, ao día seguinte, estes serán comentados e corrixidos.
Prerrequisitos: Ter uns mínimos coñecementos de programación para o adecuado aproveitamento do curso, pero non é necesaria ningunha experiencia previa de programación paralela.
Recomendámoslle: para a conexión necesitará un navegador con soporte para html 5.0 recoméndase Chrome ou Firefox. Non se recomenda Microsoft Edge ou Internet Explorer, xa que pode xerar problemas.
Profesor: Dr. José Carlos Mouriño Gallego, técnico superior de aplicacións do Cesga. Conta con máis de 20 anos de experiencia na paralelización de aplicacións.