Oferta de emprego para a área de Proxectos

Postos: 6 Técnico/a de proxecto Quantum Spain

Referencia: QUANTUMSPAIN-25-TP1_ TP6

Resumo:

O proxecto QUANTUM ENIA (Quantum Spain) está financiado pola Secretaria de Estado de Dixitalización e Intelixencia Artificial no marco da Axenda España Dixital 2025 e do Plan de Recuperación, Transformación e Resiliencia por mor do Real Decreto 936/2021, de 26 outubro, polo que se regula a concesión directa dunha subvención a varios centros da REDE ESPAÑOLA DE SUPERCOMPUTACIÓN (RES).

O traballo estará enfocado en reforzar as capacidades de desenvolvemento, integración e experimentación en contornos de computación cuántica distribuída e emulación avanzada, centrando os esforzos ao redor das plataformas CUNQA e o ordenador cuántico do proxecto, coordinadas desde o CESGA.

Traballarás integrado/a en un equipo multidisciplinar e motivador, cunha gran experiencia na área das tecnoloxías da información, onde valoramos especialmente a iniciativa, capacidade de traballo en equipo e procura de solucións creativas.

Requisitos mínimos das/os candidatas/os:

1.- Titulación Nivel 2 (Grao) segundo o Marco Español de cualificacións para a Educación Superior recollido no Real Decreto 1027/2011 do 15 de xullo.

• Física e astronomía.
• Enxeñería eléctrica, enxeñería electrónica e enxeñería da telecomunicación.
• Enxeñería industrial, enxeñería mecánica, enxeñería automática, enxeñería da organización industrial e enxeñería da navegación.
• Enxeñería informática e de sistemas.
• Matemáticas e estatística.
• Química

Transitoriamente, para equivalentes a Nivel 2 ARROLAS e de titulacións non adaptadas ao novo marco, serán válidas aquelas adscritas a algunha das seguintes ramas do coñecemento, segundo o Real Decreto 1393/2007:
• Ciencias.
• Enxeñería e Arquitectura.

2.- Certificación de nivel de inglés B1, se non presenta certificación, deberá realizar unha proba.
3.- Certificación de galego CELGA4, se non presenta certificación, deberá realizar unha proba.

Salario bruto anual: 26.024,88€

Documentos imprescindibles a presentar:

– ANEXO 01 (Modelo de Solicitude), cumprimentado e coa túa firma dixital.
– DNI o NIE.
– Currículum Vitae, que permita comprobar os requisitos e méritos indicados no Anexo 02.

A Fundación CESGA comprométese, no establecemento e desenvolvemento de políticas que integren a igualdade de trato e oportunidades entre mulleres e homes, sen discriminar directa ou indirectamente por razón de sexo, así como no impulso e fomento de medidas para conseguir a igualdade real no seo da nosa organización, establecendo a igualdade de oportunidades entre mulleres e homes como un principio estratéxico da nosa Política Corporativa e de Recursos Humanos, de acordo coa definición do devandito principio que establece o Decreto Lexislativo 2/2015, de 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade e o VIII Plan Estratéxico de Galicia para a igualdade de oportunidades entre mulleres e homes 2022-2027.