Hai apenas un ano inaugurábase oficialmente en Compostela o nodo galego de RSG Spain con arredor de 40 asistentes de toda Galicia. Foi un momento inesquecible, no que por primeira vez nos puxemos cara e fomos conscientes da riqueza e diversidade de coñecementos que existen no ámbito da bioinformática e da bioloxía computacional nesta comunidade autónoma. Meses despois, cun éxito semellante, volvimos xuntarnos cunha temática moi concreta e con 3 poñentes que nos contaron a súa traxectoria e como chegaron a interesarse e traballar neste eido.
Reunión do nodo gallego de RSG Spain en CESGA: todos os detalles
Agora, xa ás portas de que remate este 2025 e en colaboración co Centro de Supercomputación de Galicia (CESGA), traemos un poñente moi especial: Pedro Ferreiro Rega, técnico de proxecto de espazos de datos no CESGA.
Horarios e axenda do encontro en Santiago de Compostela
– Data: Martes 16 de decembro de 2025.
– Hora: 18.00 h.
– Xuntanza gratuita con inscripción previa: enche o formulario que atoparás ao final da noticia
Modalidades de participación
– Presencial: Sala de Presentacións do CESGA | Ubicación
– Online: [enlace pendente de confirmación]
Axenda
- Coñece RSG Spain.
- Presentación | Espazo de datos One Health: experiencia dende o CESGA.
- Obxectivos do nodo galego para 2026.
- Visita ao Finisterrae III
Non deixes pasar esta oportunidade! A túa participación fará posible máis eventos e conexións para consolidar a bioinformática e a bioloxía computacional en Galicia. Agardámoste!
Sobre o espazo de datos do CESGA: resumen da presentación de Pedro Ferreiro
Os espazos de datos son un novo paradigma no proceso de compartición de datos, baseado nos conceptos de soberanía e interoperabilidade. O espazo de datos impulsado desde o CESGA permite que entidades do ámbito One Health, incluídos grupos de investigación especializados en análise bioinformática, desenvolvan servizos e poñan en valor os seus datos.
Sobre RSG Spain
RSG Spain é unha comunidade voluntaria e sen ánimo de lucro formada principalmente por estudantes (grao, máster, doutoramento) e secundariamente por mozos investigadores, tecnicos e profesionais en bioinformática e bioloxía computacional en España. Conta co apoio da ISCB (International Society for Computational Biology) e da SEBiBC (Sociedade Española de Bioinformática e Bioloxía Computacional). Desde a súa creación en 2010, a comunidade organiza activamente simposios anuais, seminarios, encontros presenciais e en liña a nivel xeral e desde os diferentes nodos locais, así como a difusión de ofertas de traballo, formación e eventos de ámbito nacional e internacional. Ademais, crea contido divulgativo accesible a todo o público a través das redes sociais e fomenta a creación de redes de contactos e colaboración entre os seus membros.
Unirse a RSG Spain é totalmente de balde, e as actividades —así como a participación voluntaria que as fai posibles— están abertas a todo o mundo a través das súas redes sociais, correo electrónico e a súa canle de Slack. Podes atopar todas as ligazóns e máis información neste enlace.
Email do nodo galego de RSG Spain
INSCRICIÓNS | Encontro do nodo galego de RSG Spain no CESGA
Por favor, enche este formulario de inscrición se queres participar no encontro do nodo galego de RSG Spain do vindeiro 16 de decembro no CESGA. No esquezas aceptar a política de protección de datos!